小心著涼

各位，今晚天氣轉涼，記住著番件衫......

咁先至瞓得舒服，唔會流鼻涕呀！你睇吓我瞓得咁"lum"就知啦！

好熱鬧的聖誕節

呢個聖誕假期我終於有機會見到大少、阿哥Bosco、細佬Jungle Boy、細妹同好多同類呀......
仲有奶娘同好多auntie同uncle添......
最開心既係，我係貓展居然攞到個尾彩，好多謝大家既支持！

聖誕快樂

媽Me問我聖誕節想要乜野禮物......

......唔......最好有鷄肉啦、三文魚味貓糧、遙控老鼠玩具......

不過呢，想要乜都好，佢要我係呢度同大家講聲......

希望大家有一個溫馨、快樂和甜蜜的聖誕節！

Merry Christmas!!!

大頭貓

這是媽Me最希望看到我變成的樣子......頭大身細......以她不入流的攝影技術，竟被她如願以償，拍得我看來有點像Vo爺，又有點像大少，看真點又像明哥和波哥，真的要謝天謝地啊！

豪華複式遊樂場

爸Be今日搬左一件巨型傢俬入我間房，好似係比我玩咁架噃......等我試吓玩先！

呢條隧道通去邊度既呢？
嘩...呢度咁高，搞到我腳仔軟軟地，爸Be媽Me...救我呀~~~我唔知點樣落地呀~~~

真的嗎？

媽Me，我真的可以參加貓展嗎？會不會失禮妳同奶娘呢？ Christy 媽：阿女，要妳去貓展唔係要妳去攞獎呀，淨係想妳去湊吓熱鬧，同D阿哥細佬聚一聚同打吓氣，係休差黎架！況且，個個見到妳都話妳靚女，又點會失禮人吖！
哦，既然妳咁講，我就去啦！咁究竟仲有邊個阿哥同細佬去呢？

返屋企...歎世界

爸Be媽Me好衰o架！去左幾日旅行，就咁擺低我o係奶娘度唔理我，唔好掂我呀，我唔睬你地呀！......

......唔......算喇算喇......大力D吖，唔該！

貓房

今天，爸Be媽Me為我安排了一些新東西：

1. 因為天涼了，在窗台上加了薄墊；

2. 因為我長大了，他們為我換了特大有蓋、有門的砂盤；

3. 因為砂盤大了，放不進貓籠，他們將貓籠收起；

看！這便是經過「改裝」的房間......我的房間！

當閣下看見我這副悠然的樣子，便知道我對這新安排有多滿意啊！^o^

大膠袋

我Christy到今日先知道，原來大膠袋係咁好玩o既！


Christy媽：早知道你咁鐘意個袋，咁用呢個袋袋你出街咪得囉，仲使乜買個咁貴o既行袋比你吖，嘥哂我D錢呀！

足下留痕

天氣轉涼，我Christy轉移左另一個休息o既據點......
為爸Be同媽Me最喜歡o既墊腳梳化留下了一點點永不能磨滅o既痕跡！

可喜o既係，佢地已經完全咁接受左呢個現實，依然咁錫我呀！

新鮮貓草

媽Me今日放左一兜唔知乜野喺窗口，聞落好似好香咁噃......
不如摘一條睇吓係乜野嚟先......

咦...媽Me好衰架，搵個鐵罩阻住哂！






﹝Christy媽：好在有個罩罩住咋，如果唔係D貓草未生好已經比你隻為食貓幫我斬草除根喇！﹞

歎世界

今日玩得攰攰地，係涼浸浸既窗台休息既時候，有個私人按摩師幫我鬆弛一下神經，正呀！

貓貓攬枕

看見媽Me時常抱著那個...
我便變身成為這個！我相信，抱著這個的感覺一定更好！

大懶豬

媽Me話：Christy，唔好成日瞓啦，再係咁真係會變豬架喇！
我心想：車......有乜理由影張相都要zoom到咁埋吖......

......放到咁大，排骨都會變豬扒啦！

貪心

媽Me要我係佢送比我既玩具之中選一款我最鐘意既......

﹝沉思中......﹞ 唔...如果我真係揀左一款既話，佢會唔會將其他果D送左比人地呢??? ......
媽Me，我全部都鐘意呀！唔好分開我地呀！...﹝都係穩陣D好...﹞

健身器

媽Me話我呢排肥到唔肯「郁」，買左一個健身器比我做多D運動


果然有效！你睇我身手幾咁靈活，仲有，玩左一陣之後......連瑜伽都做到呀！勁lei......

老鼠老鼠我愛你

有呢一串老鼠，你想我點都得！跳高、拗腰都無問題呀！

蛙式

大熱天時，最好都係游吓水，你睇我，未落水先操練一下，即使喺平地上一樣可以自由自在咁游來游去，問你服未？

貓？大腳板？

各位觀眾......究竟你地係張相入面見到一隻貓定係一隻長有特長腳趾既大腳板吖？

仲有呀，到左今日，我已經四個月大喇！

捉迷藏﹝二﹞

我又左匿右匿，點知都係比媽Me搵到添！