Wednesday, December 24, 2008

Merry Christmas!!!

又到聖誕~~又到聖誕!Christy又著左應節既服飾同大家見面喇!不過,一如以往,在她身上戴上任何飾物都會令她「嬲爆」,呢一張已經係佢表現最 nice 既樣子,請大家 不要見怪


係呢個普天同慶既日子,祝大家! ^o^

Sunday, November 02, 2008

週末派對

上個星期六同一班貓貓朋友玩得好開心,仲有好多貓貓 model 比我試相機呀~~~

Barbie 企定定比我影相,你地睇下佢眼仔睩睩,幾得意!

現場加插貓貓大富翁遊戲


Mr. Four 的傑作 -- 最新貓擺設系列!

Boma 的貓頭生日蛋糕,好別緻

Boma 親手製作給 Danny 的生日蛋糕,是芒果芝士蛋糕,好味道

威廉無論何時都好淡定

朱古力嗌左一日,係時候要休息一下

Donovan 你個頭好大呀,如果你家姐都係咁就好喇

全場最開心的參加者 -- Cookie
還有更多照片,請看小妹 facebook 內的相簿。

Wednesday, October 01, 2008

海豹Christy

在遠處的北極有這些雪白的小可愛躺在雪地上‧‧‧


在我們家卻有一隻毛茸茸貌似海豹的東西"攤"在門口‧‧‧

Sunday, September 21, 2008

終於影到大小姐玩喇!

嘩!終於可以影到Christy充滿動感既照片喇!好多謝Carol姐姐借左佢支閃閃比我地玩~~~

我地玩閃閃既時候阿女都玩得好落力丫!


Friday, September 19, 2008

惡死 Christy

曾經做過 Christy 褓姆既「家長」都知道,呢位大小姐勁唔鐘意梳毛,不過唔鐘意到咁樣,就真係‧‧‧唉~~~

阿女,妳踩住把梳唔代表我唔再幫妳梳毛架喎!我都係為妳好o者,唔好比個咁衰既樣我睇咁hurt丫,得唔得?

Sunday, September 14, 2008

人整我又整!

貓媽媽:阿仔,記住食多d野,咁先至可以好似佢咁圓咁大隻架!
Christy媽:如果我地住既大廈外牆可以掛呢張掛畫就好喇‧‧‧



掃貨!

沾染了隔離Blog友少許的購物慾,Christy媽最近去到某"雜貨舖"既時候,一下"唔覺意"買左些少野,做左VIP...... 入左既貨包括:

比阿女用既靚靚餐墊
一見鐘情既皂液樽

大方得體既貓頭手鍊
還有自動縮骨雨傘、2009件年掛曆、‧‧‧
其實仲有好多野想買,不過驚返到屋企比人話我"大洗"呀~~~

Sunday, August 31, 2008

我愛嗅臭

阿女最近的蒲點是家門口的地毯,愛上這麼污糟的地方,阿女真的沒有品味,就是趕也不肯走!最不堪的是她竟然把頭"long"在老豆的臭鞋上‧‧‧死喇!她是否有鼻塞,還是真的不覺得臭呢?


Thursday, July 03, 2008

小試牛刀

買左部新玩具,兩個爭住試機既大人唯有追住全屋唯一一個 Model 係咁影啦,又好難得地,個 Model 好合作,坐定定比我地影喎,唔通佢知道呢部機係好野黎既!?

Christy 爸作品‧‧‧﹝註:未設定白色平衡﹞

Christy 媽手勢如何?都仲係未設定白色平衡!


繼續係 Christy 媽既作品,今次設定了白色平衡‧‧‧

有無人可以比D意見呢?我知!我知要用閃閃嘛,不過我地買左部機,無哂錢買閃閃呀!
我地淨係用EOS 450D 既 Kit 鏡影咋,仲要買支乜野鏡好呢?

Friday, June 20, 2008

饞嘴Christy

作為「無飯」家庭既我地,某晚竟然買"食送"返屋企煮飯!有個擦鞋老豆仲買左新鮮雞柳黎孝敬大小姐,比佢做宵夜‧‧‧

個衰女唔知點解咁醒目,見到老豆有少少動作,即刻跟到實、望到實!不過見佢好守規矩,無「越界」﹝越過廚房門口條界﹞,都抵"tum"下佢啦!

見到佢「左騰右騰」,又"Hi"牆,囉囉孿咁,完全表露哂佢為食既真面目呀!去片‧‧‧

到左第二晚,佢老豆又好想聽下佢為食既叫聲,於是又請佢食宵夜;喂喂,小心大小姐變痴肥呀!

Christy:你地呢班衰人,玩我咁耐先比我食野,等我食飽之後"wer"花你地塊面呀!哼!

Wednesday, June 04, 2008

回帶再回帶:木天蓼功效

最近忙到氣咳,難得騰出一些空檔整理照片,尋回Christy大小姐在約兩個月前嘗過木天蓼顆粒後,維持達一週極度放鬆任影唔嬲的姿態,真係要同大家分享一下‧‧‧

難得矇眼反肚look
面貼大脾「冧」死老豆look 擺明扮得意扮「目訓」著覺霸住你個靚靚梳化位look


比佢激死!

Tuesday, June 03, 2008

獸醫診所貓

某一天我們兩個貓奴才到了某一獸醫診所買REVOLUTION,準備離開之際,看見診所內的人正在圍觀一隻玻璃櫃內的「毛公仔」,從背面看,這隻毛公仔擁有貓型的頭部,還有一條紅色的圍巾,走上前看,卻看見‧‧‧


是一隻正在熟睡的扁扁!這隻扁扁,不論我們在玻璃櫃外如何呼喚,他都沒有反應,也看不見呼吸,難怪我從後面看以為是隻毛公仔啦!診所職員說他常常都愛睡在玻璃櫃內,都是這個樣子。我只想說,他睡覺的樣子好可愛!

Monday, May 19, 2008

回帶:Christy三歲了!

上星期六是我家大小姐的三歲生日,作為貓奴,一定要表示一下啦!

只是主角似乎對此蛋糕不太滿意啊‧‧‧ -_-



蛋糕只是作拍照用,其實真正的生日禮物還有照片以外的軟綿綿枕頭、全新貓棒棒、扇貝雞肉罐罐、三文魚粒粒‧‧‧

不過最高興莫過於各位「家長」陪Christy度過如此熱鬧的生日呢!多謝各位! 多謝!

Monday, March 10, 2008

阻住哂!

為左準備下星期既考試,Christy媽決定在家埋頭苦幹, 誰知家中有一龐然巨物在進行騷擾‧‧‧

Christy媽:先是在妳眼前「出現」‧‧‧
Christy:媽Me,好眼"目訓"呀,呢個地方好似好舒服咁喎!

Christy媽:跟住係妳面前「打躉」‧‧‧
Christy:媽Me,我個「躉」圓唔圓呀?

Christy媽:之後搵條尾黎分散妳既注意力‧‧‧
Christy:媽Me,我條尾夠唔夠肥美呢?

Christy媽:最後,索性企係妳本書上面,等妳無得溫書!
Christy:媽Me,望住疊紙咁悶,不如睇下我好過啦!

Christy媽:下個禮拜萬一考試唔合格,都唔知點搵佢算帳好!激氣呀!

Monday, February 11, 2008

木天蓼手信

呢個農曆新年媽Me同媽Me既媽Me去左台北,返黎帶左好多木天蓼手信比我呀,勁開心呢~~~


佢仲買左木天蓼顆粒比各位兄弟姊妹同好友添呀,呢呢呢......就係呢隻喇!

Thursday, January 31, 2008

暖暖的窩

天寒地凍,最暖的地方莫過於......


在媽Me坐暖的梳化上,坐著她的羽絨褸,還輕倚她剛攬過的「交叉窿」公仔......"巧絲服"呢!

 
Design by Amanda @ BloggerBuster