Tuesday, December 26, 2006

安樂窩

Christy 媽:昨天買了個貓窩給乖女做聖誕禮物,我家大小姐看了後,二話不說,不用三催四請,已自行跳進去視察環境,還留在裡面舐毛,之後也跳進去數次,看來她真的喜歡這安樂窩呢!作為貓奴,能找到一件貓貓喜歡的東西,真的很高興啊!

Saturday, December 16, 2006

憎死白毛毛

上星期有auntie 送左條白色毛毛棒比我玩,哎呀...佢真係好乞我憎呀,好想咬死佢~~~





Tuesday, December 05, 2006

乖寶寶


爸Be不在家...


我便肩負陪伴媽Me的重任

當她坐在梳化看電視時

我便靜靜地睡在她旁邊,讓她不致太寂寞








Christy 媽:乖女那含蓄的關愛,令我這貓奴得到很大的安慰,心也甜了,心想...老公,我們家的寶寶好可愛,你遲些返香港也沒有所謂了!只怕你一回來,Christy又變回原來的面目......有咁遠坐到咁遠啊!

Sunday, December 03, 2006

走私貓

見爸Be拎左個行李箱出黎,唔通兩個貓奴又留低我去玩?唔得,快d跳入去霸番個位先......
Christy 媽:阿女,妳無passport,唔去得搭飛機架,乖啦,唔好阻住爸Be執行李啦!我會留响屋企陪妳喎!

唔得呀!嘉菲貓都可以搭飛機去英國,無理由我唔得架,最多我再縮細d扮毛公仔,爸Be又有位放佢d用品,咁咪得囉......

後記:Christy 媽:睇落呢個行李箱都可以做"走鬼袋"噃,你地睇吓Christy跳左入去d位啱啱好呀!

Monday, November 27, 2006

貓擺設

Christy 媽:有一日,我家的八卦妹不見了......

Christy 媽:但飯桌上郤來了一件「睡夢中肅立」的貓擺設......

Monday, November 06, 2006

星期六有好節目

星期六去左阿哥屋企玩,"係咁椅"巡左個圈......

阿哥做乜食剩咁多野呀,不如等阿妹幫你食埋佢啦!
呢個厠所唔錯噃,可惜係男厠吖......
細佬,係阿哥未還錢比你,自己"厘"埋左咋,唔好跟住我啦,至多你睇吓呢度有乜野啱心水,自己拎返屋企啦。




係阿哥屋企巡黎巡去,原來佢地張梳化底先至係風水位,所以咪全場坐左係入面囉,咪以為我係「鵪鶉」"厘"埋左先至得架~~~~~~

Monday, October 23, 2006

哈囉喂

有一日,爸Be笠了個橙在我頭上,我猛力地搖頭以示不滿,他還是按著我,而媽Me更是置我於不理,完全沒有照顧我的感受......
Christy媽:女呀,萬聖節快到了,媽Me幫妳影張靚相同阿哥細佬講句Happy Halloween啦!

我唔"濟"呀!咁怪相,我唔想見人呀!

Tuesday, October 10, 2006

失儀

Christy媽:我家大小姐竟然擺出一副如此失儀的pose,真羞家!
















嘩!我係屋企歎緊世界既時候竟然有狗仔隊偷影,真係過份呀!咁衰,我要抓花佢塊面呀~~~

Monday, September 18, 2006

偷得浮生半日閒

難得兩個貓奴在家,我才得以在窗台上...

仰望窗外迷人的景色...
舐舐手...
睡個晏覺,真係好 C 服呀!

Thursday, August 17, 2006

我的身份證

媽Me最近幫我申請了身份證,有了它不知是否可以跟爸Be媽Me周圍去旅行呢?


Christy 媽:阿女,妳還欠一個Passport!
... >_< ...

Sunday, August 13, 2006

大懶貓露兩手



我家的兩個貓奴說我得戚,要我逗一下他們,以我咁有個性,真係無乜野可以回應!只不過,眼見貓奴咁落力,唯有草草露兩手、交功課,等佢地開心一陣咁多啦!如果唔係,激親佢地就無啖好食喇...

Thursday, August 10, 2006

去年今日

Christy 媽:阿女,不知不覺原來妳來到這個家已一年了,當年妳剛離開奶媽來到我們家時,那無助可憐的樣子,真的讓我以為妳是這麼柔弱的,想不到現在的 Christy,已是家中的小霸王,讓我覺得有點貨不對辦!無論如何,我們這兩個貓奴,都永遠愛護妳,不過...妳最好也可以逗一下我們,不要老是這麼得戚,可以嗎?


Saturday, July 22, 2006

自我增值

媽Me,看來家中的書櫃還有很多空間啊~~~
妳好趁這幾天書展,增添多點像「如何討好你的愛貓」、「貓貓至愛食譜」或是「和愛貓玩遊戲」等的書籍,增值一吓吧!

Sunday, July 02, 2006

百厭罪證

唔...呢個袋入面係唔係有野食呢?等我深入咁了解一下先...
原來得個「吉」......弊!做乜穿實左個袋架?仲"Fing"極都"Fing"唔甩添! 比爸Be同媽Me見到實死梗呀!

Christy 媽:呵呵呵...你個百厭妹,犯罪證據確鑿,呢個星期罰你唔準食零食!

Sunday, June 18, 2006

貓卷

Christy: 媽Me,我成個晏晝未瞓過,今晚好眼瞓呀,唔好影我啦~~~
Christy媽:阿女,有咁多地方比妳瞓,妳做乜偏要瞓喺棵咁迫既BB貓樹度啫,仲夾硬扮細個卷成一舊呀?正傻妹!

Sunday, May 14, 2006

生日禮物

爸Be媽Me話我過多幾日就一歲,買左一份禮物比我,原來係條磨爪柱......
唔...磨落又真係好似幾爽咁喎...咦!點解有一"舊"紅色物體既?
噢...係一個該死的波波,怎捉也捉不住~~~
媽Me,好攰呀,我唔玩喇~~~

Thursday, April 20, 2006

我是貓模

爸Be媽Me早陣子帶了我去Studio影相,要我學做貓模,大家認為我有潛質嗎? ^o^
這個拍得我很胖啊!

媽Me至愛的「貓樣」!
My Friend?!?! 死敵?!?!

我這個角度好看嗎?

Wednesday, April 19, 2006

「圓」美睡姿

Christy媽:女啊!大熱天時,點解妳仲可以好似d蛇冬眠咁,瞓到卷成一餅 gei?不過點都好,我想話...妳好可愛啊! ^o^

Wednesday, April 05, 2006

殺戮事件

Christy媽:咦...阿女剛才同隻迷彩鼠鼠玩得興高采烈,點解突然之間咁乖咁靜既呢......一定有唔妥......
Christy媽:噢!原來鼠鼠經已被Christy活生生的浸死了!阿女,妳好殘忍啊!

Sunday, March 26, 2006

搵工

爸Be同媽Me話我太大食,要我搵工幫補家計喎......


咁究竟有冇一份工可以淨係食同瞓都有糧出既呢?

Sunday, March 19, 2006

死敵



在我「重獲自由」的今天,竟然遇上一個打不死的強敵,大少、Bosco、Jungle、Domingo,見字請速前來,一起對付敵人......

Saturday, March 11, 2006

無心機

載住個咁既罩好辛苦呀,本來行動敏捷既我,今日每行一步路都比佢頂住,連面都洗唔到,變左一隻好無能既傷殘貓添......

等我扮可憐、扮無心機,等果兩個奴才心軟幫我除左呢個萬惡既罩先!






Christy 媽:呢個蠱惑女比個罩"粒"住既時候一副楚楚可憐的樣子,又特別嗲,想呃我哋幫佢除左個罩,不過佢呢個樣百年難得一見,我哋一定會好好利用個罩,趁呢段日子收藏起佢既百厭同反叛,女啊,妳忍耐吓啦!

Sunday, March 05, 2006

手術過後

各位,我昨天做完手術,夜晚返到屋企,麻醉藥未過,頭暈暈,好早就瞓覺,遲D好番先至再同大家 say hello 喇

Christy 媽:尋日睇見佢成日無食過野,返到屋企又企唔穩,無哂心機兼可憐無助既樣,好心痛呀~~~

Tuesday, February 28, 2006

大變細


過去,爸 Be 媽 Me 常常說我是大山婆......
今天,我已經瘦身成功,變得嬌小玲瓏,樣子還有點惹人憐愛啊,呵呵!

Tuesday, January 31, 2006

恭喜發財

我Christy第一次過農曆新年,喺呢度祝各位Auntie / Uncle 心想事成,身壯力健,財源廣進,福運齊來!祝咁多位阿哥同細佬快高長大,精乖伶俐,身體健康,出賽屢戰屢勝!仲有......
......好似我咁,逗多D利是呀! ^o^

 
Design by Amanda @ BloggerBuster