又打針喇！

又到左一年一度打針既時候，在途中，你地睇下呢位小朋友係唔係有 d 緊張呢？好可憐哦~~~


Dr. Betty 話呢位小朋友無乜大問題，體重係 4.4kg，只不過 d 牙剛剛洗左一年又黃番哂！最衰佢唔比我地同佢刷牙，Dr. Betty話唯有繼續用 Aquadent，仲介紹左一款牙仔餅比佢‧‧‧

結果呢，牙仔餅成為左 Christy 既至愛，平日食開既 FROMM 三魚味餅餅變左無得揀既情況之下勉強食埋佢既次選之中既次選‧‧‧

Project 2016

Christy 媽呢份工返左一年多少少，愈做愈忙，搞到潛左水好耐好耐；不過除左工作忙之外，仲手痕買左盒2016塊特細既砌圖返屋企減壓，點知砌左好多個月都仲未收得工，事關有一霸道小寶貝成日特登坐左係我既砌圖上面，唔准我開工‧‧‧

唉‧‧‧希望呢個 "Project" 唔會"責"過年啦‧‧‧

貓豬要健身！

我家大小姐似乎發左福，睇黎佢都知道，所以搵左 Christy 媽既健身單車做下運動！只不過‧‧‧佢上到架單車度好似有 d 腳仔軟‧‧‧再睇耐 d 又唔似係，佢居然敢舉起左隻手，仲企得好穩陣呀

跟住又伸下隻腳

仲愈企愈得戚添喎

佢曾經試過用健身單車，借力跳起開呢個燈制架

唔知係唔係個位細得濟，企得耐左，手腳開始唔係好協調

噢！原來睇錯左！當想伸隻手出黎"了"佢既時候，佢已經紮起個馬，有所準備

仲出手打人添呀！

真係咪睇佢肥騰騰，身手仲係好鬼敏捷，叻女！ ^o^

邊個話我肥！？

Christy: 人人都話我肥，其實唔係架，錯覺黎架！你地睇下，我都無肚腩，點會肥呢？

無聊的下午

難得放假可以在家 Hea，不過累到想玩自閉，但又唔想 d 時間白白浪費，唯有拎住部差 d 發毛既相機同阿女影下相，只係連阿女都覺得我好無聊，成個晏奏，求其「另」下個頭就當擺左 pose，阿媽懶，阿女仲懶！

睇下佢個樣幾眼「目訓」‧‧‧
見到阿媽拎住部相機，咁就求其擘開少少隻眼比我影相
下巴 look

矇眼側面 look

思考 look ﹝我估佢多數都係諗緊點先至可以避開我個鏡頭，哈哈！﹞

就係咁樣，我地兩母女就過左一個好無聊又懶洋洋既下午！

"碟"巢"貓"佔

Christy 媽呢幾個月忙到發癲，潛左水都好耐下；不過有乜理由農曆年過左都仲得個 Merry Christmas 既 post 丫，終於忍唔住要 update 下個 blog 喇！

話說有一晚當小妹正在埋頭苦幹既時候，聽到電視機櫃傳來一陣怪聲，迅間看見一堆 DVD 碟突然瀉下！上前一看‧‧‧唉‧‧‧！

原來一不留神，有隻百厭貓強霸地盤，就是連 DVD 都唔放過，要趕哂佢地落地下！之後仲要伸個頭出黎示威‧‧‧

犯案既貓貓被發現後火速逃離現場，留番個「殘局」比我地「執手尾」！哼！