生日願望

明天是我的生日，不知道爸Be媽Me有沒有為我準備禮物呢？







......無論如何，衷心祈求，希望不要像去年般，在蛋糕上點了根蠟燭把我的眼眉燒燶吧~~~







Christy媽：看來乖女還不知道我們已預備了搖搖板和她最喜愛的炭燒牛肉大餐和她賀壽啊！呵呵！

麵麵的誘惑

媽Me，妳吃甚麼，好香呀......







Christy媽：衰女，唔好掂我碗麵呀！







Christy媽：大家看，阿女轉了身還要回頭看著我的晚餐......







Christy媽：她還是忍不住，索性向著我的湯麵坐。大家看，雖然面向右，她的雙眼卻死盯著左邊那碗麵！






Christy媽：直至把麵吃了一半，她的視線還是離不開！我就是這樣和阿女面對面吃下今天的晚餐！







Christy 媽：每當我一人在家吃飯的時候，阿女總愛在飯枱上轉來轉去，總要阻著我用餐；可是當Christy爸獨個兒或是我倆用餐的時候，她卻躱在房間內，看來她有心欺負我啊！

新玩具

多謝奶娘送我的貓棒棒，大家看，我玩得多高興！





爸Be媽Me，你們懂了嗎？有新玩具我才會活潑起來，不要老是怪我懶，只怪你們天天給我玩厭了的玩具罷！

恭喜發財！大吉大利！

祝各位大吉大利、豬年好運、豬圓肉潤、豬光寶氣、豬籠入水、豬事順利！恭喜恭喜！

我搓我搓我搓搓搓

Christy 媽：每次Christy進入她的"小天地"後，總要搓一輪，搓至喉嚨"咕嚕咕嚕"地響，然後便滿足地進入夢鄉......

Christy 媽：好羨慕Christy可以睡得這麼甜......

寒冷警告！

各位兄弟......登登登櫈！！！
「愛斯基摩貓」提提你們：今晚天氣變冷，記住著多件衫

你地睇吓我幾招積！梗係啦，有衫著，天氣幾凍都無有怕呀！

安樂窩

Christy 媽：昨天買了個貓窩給乖女做聖誕禮物，我家大小姐看了後，二話不說，不用三催四請，已自行跳進去視察環境，還留在裡面舐毛，之後也跳進去數次，看來她真的喜歡這安樂窩呢！作為貓奴，能找到一件貓貓喜歡的東西，真的很高興啊！

憎死白毛毛

上星期有auntie 送左條白色毛毛棒比我玩，哎呀...佢真係好乞我憎呀，好想咬死佢~~~

乖寶寶

爸Be不在家...


我便肩負陪伴媽Me的重任

當她坐在梳化看電視時

我便靜靜地睡在她旁邊，讓她不致太寂寞








Christy 媽：乖女那含蓄的關愛，令我這貓奴得到很大的安慰，心也甜了，心想...老公，我們家的寶寶好可愛，你遲些返香港也沒有所謂了！只怕你一回來，Christy又變回原來的面目......有咁遠坐到咁遠啊！

走私貓

見爸Be拎左個行李箱出黎，唔通兩個貓奴又留低我去玩？唔得，快d跳入去霸番個位先......
Christy 媽：阿女，妳無passport，唔去得搭飛機架，乖啦，唔好阻住爸Be執行李啦！我會留响屋企陪妳喎！

唔得呀！嘉菲貓都可以搭飛機去英國，無理由我唔得架，最多我再縮細d扮毛公仔，爸Be又有位放佢d用品，咁咪得囉......

後記：Christy 媽：睇落呢個行李箱都可以做"走鬼袋"噃，你地睇吓Christy跳左入去d位啱啱好呀！

貓擺設

Christy 媽：有一日，我家的八卦妹不見了......

Christy 媽：但飯桌上郤來了一件「睡夢中肅立」的貓擺設......

星期六有好節目

星期六去左阿哥屋企玩，"係咁椅"巡左個圈......

阿哥做乜食剩咁多野呀，不如等阿妹幫你食埋佢啦！
呢個厠所唔錯噃，可惜係男厠吖......
細佬，係阿哥未還錢比你，自己"厘"埋左咋，唔好跟住我啦，至多你睇吓呢度有乜野啱心水，自己拎返屋企啦。




係阿哥屋企巡黎巡去，原來佢地張梳化底先至係風水位，所以咪全場坐左係入面囉，咪以為我係「鵪鶉」"厘"埋左先至得架~~~~~~

哈囉喂

有一日，爸Be笠了個橙在我頭上，我猛力地搖頭以示不滿，他還是按著我，而媽Me更是置我於不理，完全沒有照顧我的感受......
Christy媽：女呀，萬聖節快到了，媽Me幫妳影張靚相同阿哥細佬講句Happy Halloween啦！

我唔"濟"呀！咁怪相，我唔想見人呀！

失儀

Christy媽：我家大小姐竟然擺出一副如此失儀的pose，真羞家！
















嘩！我係屋企歎緊世界既時候竟然有狗仔隊偷影，真係過份呀！咁衰，我要抓花佢塊面呀~~~

偷得浮生半日閒

難得兩個貓奴在家，我才得以在窗台上...

仰望窗外迷人的景色...
舐舐手...
睡個晏覺，真係好 C 服呀！

我的身份證

媽Me最近幫我申請了身份證，有了它不知是否可以跟爸Be媽Me周圍去旅行呢？


Christy 媽：阿女，妳還欠一個Passport！
... >_< ...

大懶貓露兩手

我家的兩個貓奴說我得戚，要我逗一下他們，以我咁有個性，真係無乜野可以回應！只不過，眼見貓奴咁落力，唯有草草露兩手、交功課，等佢地開心一陣咁多啦！如果唔係，激親佢地就無啖好食喇...

去年今日

Christy 媽：阿女，不知不覺原來妳來到這個家已一年了，當年妳剛離開奶媽來到我們家時，那無助可憐的樣子，真的讓我以為妳是這麼柔弱的，想不到現在的 Christy，已是家中的小霸王，讓我覺得有點貨不對辦！無論如何，我們這兩個貓奴，都永遠愛護妳，不過...妳最好也可以逗一下我們，不要老是這麼得戚，可以嗎？

自我增值

媽Me，看來家中的書櫃還有很多空間啊~~~
妳好趁這幾天書展，增添多點像「如何討好你的愛貓」、「貓貓至愛食譜」或是「和愛貓玩遊戲」等的書籍，增值一吓吧！

百厭罪證

唔...呢個袋入面係唔係有野食呢？等我深入咁了解一下先...
原來得個「吉」......弊！做乜穿實左個袋架？仲"Fing"極都"Fing"唔甩添！ 比爸Be同媽Me見到實死梗呀！

Christy 媽：呵呵呵...你個百厭妹，犯罪證據確鑿，呢個星期罰你唔準食零食！