貓卷

Christy: 媽Me，我成個晏晝未瞓過，今晚好眼瞓呀，唔好影我啦~~~
Christy媽：阿女，有咁多地方比妳瞓，妳做乜偏要瞓喺棵咁迫既BB貓樹度啫，仲夾硬扮細個卷成一舊呀？正傻妹！

生日禮物

爸Be媽Me話我過多幾日就一歲，買左一份禮物比我，原來係條磨爪柱......
唔...磨落又真係好似幾爽咁喎...咦！點解有一"舊"紅色物體既？
噢...係一個該死的波波，怎捉也捉不住~~~
媽Me，好攰呀，我唔玩喇~~~

我是貓模

爸Be媽Me早陣子帶了我去Studio影相，要我學做貓模，大家認為我有潛質嗎？ ^o^
這個拍得我很胖啊！

媽Me至愛的「貓樣」！
My Friend?!?! 死敵?!?!

我這個角度好看嗎？

「圓」美睡姿

Christy媽：女啊！大熱天時，點解妳仲可以好似d蛇冬眠咁，瞓到卷成一餅 gei？不過點都好，我想話...妳好可愛啊！ ^o^

殺戮事件

Christy媽：咦...阿女剛才同隻迷彩鼠鼠玩得興高采烈，點解突然之間咁乖咁靜既呢......一定有唔妥......
Christy媽：噢！原來鼠鼠經已被Christy活生生的浸死了！阿女，妳好殘忍啊！

搵工

爸Be同媽Me話我太大食，要我搵工幫補家計喎......


咁究竟有冇一份工可以淨係食同瞓都有糧出既呢？

死敵

在我「重獲自由」的今天，竟然遇上一個打不死的強敵，大少、Bosco、Jungle、Domingo，見字請速前來，一起對付敵人......

無心機

載住個咁既罩好辛苦呀，本來行動敏捷既我，今日每行一步路都比佢頂住，連面都洗唔到，變左一隻好無能既傷殘貓添......

等我扮可憐、扮無心機，等果兩個奴才心軟幫我除左呢個萬惡既罩先！






Christy 媽：呢個蠱惑女比個罩"粒"住既時候一副楚楚可憐的樣子，又特別嗲，想呃我哋幫佢除左個罩，不過佢呢個樣百年難得一見，我哋一定會好好利用個罩，趁呢段日子收藏起佢既百厭同反叛，女啊，妳忍耐吓啦！

手術過後

各位，我昨天做完手術，夜晚返到屋企，麻醉藥未過，頭暈暈，好早就瞓覺，遲D好番先至再同大家 say hello 喇

Christy 媽：尋日睇見佢成日無食過野，返到屋企又企唔穩，無哂心機兼可憐無助既樣，好心痛呀~~~

大變細

過去，爸 Be 媽 Me 常常說我是大山婆......
今天，我已經瘦身成功，變得嬌小玲瓏，樣子還有點惹人憐愛啊，呵呵！

恭喜發財

我Christy第一次過農曆新年，喺呢度祝各位Auntie / Uncle 心想事成，身壯力健，財源廣進，福運齊來！祝咁多位阿哥同細佬快高長大，精乖伶俐，身體健康，出賽屢戰屢勝！仲有......
......好似我咁，逗多D利是呀！ ^o^

小心著涼

各位，今晚天氣轉涼，記住著番件衫......

咁先至瞓得舒服，唔會流鼻涕呀！你睇吓我瞓得咁"lum"就知啦！

好熱鬧的聖誕節

呢個聖誕假期我終於有機會見到大少、阿哥Bosco、細佬Jungle Boy、細妹同好多同類呀......
仲有奶娘同好多auntie同uncle添......
最開心既係，我係貓展居然攞到個尾彩，好多謝大家既支持！

聖誕快樂

媽Me問我聖誕節想要乜野禮物......

......唔......最好有鷄肉啦、三文魚味貓糧、遙控老鼠玩具......

不過呢，想要乜都好，佢要我係呢度同大家講聲......

希望大家有一個溫馨、快樂和甜蜜的聖誕節！

Merry Christmas!!!

大頭貓

這是媽Me最希望看到我變成的樣子......頭大身細......以她不入流的攝影技術，竟被她如願以償，拍得我看來有點像Vo爺，又有點像大少，看真點又像明哥和波哥，真的要謝天謝地啊！

豪華複式遊樂場

爸Be今日搬左一件巨型傢俬入我間房，好似係比我玩咁架噃......等我試吓玩先！

呢條隧道通去邊度既呢？
嘩...呢度咁高，搞到我腳仔軟軟地，爸Be媽Me...救我呀~~~我唔知點樣落地呀~~~

真的嗎？

媽Me，我真的可以參加貓展嗎？會不會失禮妳同奶娘呢？ Christy 媽：阿女，要妳去貓展唔係要妳去攞獎呀，淨係想妳去湊吓熱鬧，同D阿哥細佬聚一聚同打吓氣，係休差黎架！況且，個個見到妳都話妳靚女，又點會失禮人吖！
哦，既然妳咁講，我就去啦！咁究竟仲有邊個阿哥同細佬去呢？

返屋企...歎世界

爸Be媽Me好衰o架！去左幾日旅行，就咁擺低我o係奶娘度唔理我，唔好掂我呀，我唔睬你地呀！......

......唔......算喇算喇......大力D吖，唔該！

貓房

今天，爸Be媽Me為我安排了一些新東西：

1. 因為天涼了，在窗台上加了薄墊；

2. 因為我長大了，他們為我換了特大有蓋、有門的砂盤；

3. 因為砂盤大了，放不進貓籠，他們將貓籠收起；

看！這便是經過「改裝」的房間......我的房間！

當閣下看見我這副悠然的樣子，便知道我對這新安排有多滿意啊！^o^

大膠袋

我Christy到今日先知道，原來大膠袋係咁好玩o既！


Christy媽：早知道你咁鐘意個袋，咁用呢個袋袋你出街咪得囉，仲使乜買個咁貴o既行袋比你吖，嘥哂我D錢呀！