貓豬要健身！

我家大小姐似乎發左福，睇黎佢都知道，所以搵左 Christy 媽既健身單車做下運動！只不過‧‧‧佢上到架單車度好似有 d 腳仔軟‧‧‧再睇耐 d 又唔似係，佢居然敢舉起左隻手，仲企得好穩陣呀

跟住又伸下隻腳

仲愈企愈得戚添喎

佢曾經試過用健身單車，借力跳起開呢個燈制架

唔知係唔係個位細得濟，企得耐左，手腳開始唔係好協調

噢！原來睇錯左！當想伸隻手出黎"了"佢既時候，佢已經紮起個馬，有所準備

仲出手打人添呀！

真係咪睇佢肥騰騰，身手仲係好鬼敏捷，叻女！ ^o^

邊個話我肥！？

Christy: 人人都話我肥，其實唔係架，錯覺黎架！你地睇下，我都無肚腩，點會肥呢？

無聊的下午

難得放假可以在家 Hea，不過累到想玩自閉，但又唔想 d 時間白白浪費，唯有拎住部差 d 發毛既相機同阿女影下相，只係連阿女都覺得我好無聊，成個晏奏，求其「另」下個頭就當擺左 pose，阿媽懶，阿女仲懶！

睇下佢個樣幾眼「目訓」‧‧‧
見到阿媽拎住部相機，咁就求其擘開少少隻眼比我影相
下巴 look

矇眼側面 look

思考 look ﹝我估佢多數都係諗緊點先至可以避開我個鏡頭，哈哈！﹞

就係咁樣，我地兩母女就過左一個好無聊又懶洋洋既下午！

"碟"巢"貓"佔

Christy 媽呢幾個月忙到發癲，潛左水都好耐下；不過有乜理由農曆年過左都仲得個 Merry Christmas 既 post 丫，終於忍唔住要 update 下個 blog 喇！

話說有一晚當小妹正在埋頭苦幹既時候，聽到電視機櫃傳來一陣怪聲，迅間看見一堆 DVD 碟突然瀉下！上前一看‧‧‧唉‧‧‧！

原來一不留神，有隻百厭貓強霸地盤，就是連 DVD 都唔放過，要趕哂佢地落地下！之後仲要伸個頭出黎示威‧‧‧

犯案既貓貓被發現後火速逃離現場，留番個「殘局」比我地「執手尾」！哼！

Merry Christmas!!!

又到聖誕~~又到聖誕！Christy又著左應節既服飾同大家見面喇！不過，一如以往，在她身上戴上任何飾物都會令她「嬲爆」，呢一張已經係佢表現最 nice 既樣子，請大家 不要見怪


係呢個普天同慶既日子，祝大家聖誕快樂、假期愉快！ ^o^

週末派對

上個星期六同一班貓貓朋友玩得好開心，仲有好多貓貓 model 比我試相機呀~~~

Barbie 企定定比我影相，你地睇下佢眼仔睩睩，幾得意！

現場加插貓貓大富翁遊戲

Mr. Four 的傑作 -- 最新貓擺設系列！

Boma 的貓頭生日蛋糕，好別緻

Boma 親手製作給 Danny 的生日蛋糕，是芒果芝士蛋糕，好味道

威廉無論何時都好淡定

朱古力嗌左一日，係時候要休息一下

Donovan 你個頭好大呀，如果你家姐都係咁就好喇

全場最開心的參加者 -- Cookie

還有更多照片，請看小妹 facebook 內的相簿。

海豹Christy

在遠處的北極有這些雪白的小可愛躺在雪地上‧‧‧

在我們家卻有一隻毛茸茸貌似海豹的東西"攤"在門口‧‧‧

終於影到大小姐玩喇！

嘩！終於可以影到Christy充滿動感既照片喇！好多謝Carol姐姐借左佢支閃閃比我地玩~~~

我地玩閃閃既時候阿女都玩得好落力丫！

惡死 Christy

曾經做過 Christy 褓姆既「家長」都知道，呢位大小姐勁唔鐘意梳毛，不過唔鐘意到咁樣，就真係‧‧‧唉~~~

阿女，妳踩住把梳唔代表我唔再幫妳梳毛架喎！我都係為妳好o者，唔好比個咁衰既樣我睇咁hurt丫，得唔得？

人整我又整！

貓媽媽：阿仔，記住食多d野，咁先至可以好似佢咁圓咁大隻架！
Christy媽：如果我地住既大廈外牆可以掛呢張掛畫就好喇‧‧‧

掃貨！

沾染了隔離Blog友少許的購物慾，Christy媽最近去到某"雜貨舖"既時候，一下"唔覺意"買左些少野，做左VIP...... 入左既貨包括：

比阿女用既靚靚餐墊
一見鐘情既皂液樽

大方得體既貓頭手鍊

還有自動縮骨雨傘、2009件年掛曆、‧‧‧

其實仲有好多野想買，不過驚返到屋企比人話我"大洗"呀~~~

我愛嗅臭

阿女最近的蒲點是家門口的地毯，愛上這麼污糟的地方，阿女真的沒有品味，就是趕也不肯走！最不堪的是她竟然把頭"long"在老豆的臭鞋上‧‧‧死喇！她是否有鼻塞，還是真的不覺得臭呢？

小試牛刀

買左部新玩具，兩個爭住試機既大人唯有追住全屋唯一一個 Model 係咁影啦，又好難得地，個 Model 好合作，坐定定比我地影喎，唔通佢知道呢部機係好野黎既！？

Christy 爸作品‧‧‧﹝註：未設定白色平衡﹞

Christy 媽手勢如何？都仲係未設定白色平衡！

繼續係 Christy 媽既作品，今次設定了白色平衡‧‧‧

有無人可以比D意見呢？我知！我知要用閃閃嘛，不過我地買左部機，無哂錢買閃閃呀！

我地淨係用EOS 450D 既 Kit 鏡影咋，仲要買支乜野鏡好呢？

饞嘴Christy

作為「無飯」家庭既我地，某晚竟然買"食送"返屋企煮飯！有個擦鞋老豆仲買左新鮮雞柳黎孝敬大小姐，比佢做宵夜‧‧‧

個衰女唔知點解咁醒目，見到老豆有少少動作，即刻跟到實、望到實！不過見佢好守規矩，無「越界」﹝越過廚房門口條界﹞，都抵"tum"下佢啦！

見到佢「左騰右騰」，又"Hi"牆，囉囉孿咁，完全表露哂佢為食既真面目呀！去片‧‧‧

到左第二晚，佢老豆又好想聽下佢為食既叫聲，於是又請佢食宵夜；喂喂，小心大小姐變痴肥呀！

Christy：你地呢班衰人，玩我咁耐先比我食野，等我食飽之後"wer"花你地塊面呀！哼！

回帶再回帶：木天蓼功效

最近忙到氣咳，難得騰出一些空檔整理照片，尋回Christy大小姐在約兩個月前嘗過木天蓼顆粒後，維持達一週極度放鬆任影唔嬲的姿態，真係要同大家分享一下‧‧‧

難得矇眼反肚look
面貼大脾「冧」死老豆look 擺明扮得意扮「目訓」著覺霸住你個靚靚梳化位look

比佢激死！

獸醫診所貓

某一天我們兩個貓奴才到了某一獸醫診所買REVOLUTION，準備離開之際，看見診所內的人正在圍觀一隻玻璃櫃內的「毛公仔」，從背面看，這隻毛公仔擁有貓型的頭部，還有一條紅色的圍巾，走上前看，卻看見‧‧‧


是一隻正在熟睡的扁扁！這隻扁扁，不論我們在玻璃櫃外如何呼喚，他都沒有反應，也看不見呼吸，難怪我從後面看以為是隻毛公仔啦！診所職員說他常常都愛睡在玻璃櫃內，都是這個樣子。我只想說，他睡覺的樣子好可愛！